網紅的藏寶箱頭先等緊的士，期間扲部手機亂咁搵嘢睇，順便望吓ＧＭＥ今朝收市價，我連升定跌，紅定綠都未睇清楚，突然有個廿歲出頭嘅後生仔，大力拍我膊頭:「師兄！記得strong hold！」
畀個陌生人嚇一嚇，我要兩秒先回過神來同佢講，唔好意思，我無貨。
「全部人都有貨，點解你會無貨...你係咪廢老？係咪廢淡呀？」佢嘴角上揚，語帶嘲諷。
「唔係。。。其實我賺少少走咗。」呢句更加觸發到佢神經。
「癡撚線架你？strong hold GME點會輸?」
「我都話我無輸，我賺少少走咗。。。」
「沽貨死全家！買得ＧＭＥ就唔好諗住沽貨！」佢一激動，隻手指就猛篤我手上部電話，好似想幫我買返貨咁。
「你又話唔會輸，但你又唔比人沽貨，咁我點贏？」我反問佢 。
「買股票邊個話一定要贏？你係咪鬼?係咪帶風向ＰＲ？」
我已經唔知點答佢，好彩的士到，當我準備截車，佢就一手攔住我，「你唔好上車住！你ＧＭＥ同我上返車先好上車！」
現在距離盤前開市仲有兩個幾鐘頭，被佢捉住咗去買貨之前無嘢可以做到，我唯有打篇文同大家講，呢個敏感時勢，唔好同任何人講自己有無ＧＭＥ。
Search